Çelja e negociatave me BE-në, ministri i Jashtëm grek: Do monitorojmë procesin. Do të ndërhyjmë kur...

Nga OraNews Përditësimi i fundit 15 Tetor 2024, 10:01

Shqipëria shënon sot një tjetër moment historik në Procesin e Integrimit Evropian, çeljen e negociatave me Bashkimin Evropian për grupkapitullin e parë.

Kapitulli i parë i bisedimeve të anëtarësimit për Shqipërinë, i cili u hap sot dhe ka të bëjë me të drejtat themelore dhe shtetin e së drejtës, duhet të përfshijë edhe të drejtat e pakicave, përfshirë minoritetin etnik grek, dhe në veçanti të drejtat e tyre pronësore, deklaroi ministri i Jashtëm grek, George Gerapetritis, sapo mbërriti në konferencën ndërqeveritare në Luksemburg.

Ministri i Jashtëm grek, Giorgos Gerapetritis ka paralajmëruar se vendi i tij do të monitorojë rreptësisht procesin.

Mediat helene theksojnë se në prag të konferencës së dytë ndërqeveritare Shqipëri-BE, Gerapetritis ka thënë se Greqia do të ndërhyjë aty ku dhe kur është e nevojshme

“Greqia ka mbajtur një qëndrim konstruktiv në procesin e anëtarësimit të Shqipërisë", është shprehur Ministri i Jashtëm grek, Giorgos Gerapetritis.

PJESË NGA DEKLARATAT E MINISTRIT GIORGOS GERAPETRITIS

“Ky qëndrim tani është një qëndrim i përbashkët, një qëndrim i përbashkët i regjistruar i 27 vendeve anëtare të Bashkimit Evropian.

Greqia do ta ndjekë nga afër këtë proces dhe do të ndërhyjë aty ku është e nevojshme, me shpresën që edhe vendet e tjera anëtare të Ballkanit Perëndimor të ndjekin këtë kurs.

Sot është një moment historik në zhvillimin e kursit evropian të vendeve anëtare të Ballkanit Perëndimor. Një kurs që filloi 21 vjet më parë, me Greqinë si pioniere dhe udhëheqëse, me axhendën e Selanikut. Greqia ka mbajtur një qëndrim konstruktiv në procesin e anëtarësimit të Shqipërisë.

Qëndrimi ynë është se grupi i parë i kapitujve, i cili po hapet sot dhe ka të bëjë me të drejtat themelore dhe shtetin e së drejtës, duhet të përfshijë edhe të drejtat e pakicave, duke përfshirë edhe atë të pakicës etnike greke, dhe në veçanti të drejtat e tyre pronësore, tashmë një qëndrim i përbashkët, një qëndrim i përbashkët i regjistruar i 27 shteteve anëtare të Bashkimit Evropian se shtetet e tjera anëtare të Ballkanit Perëndimor do të ndjekin këtë kurs në një kohë jashtëzakonisht të paqëndrueshme në rajonin tonë e më  gjerë, është absolutisht thelbësore që Bashkimi Evropian, familja evropiane, të thellohet, të rritet dhe të bëhet më e fortë”.

KONFERENCA E PLOTË NË LUKSEMBURG