KAOS NË HAITI/ Përplasje e armatosur e shtetit me bandat në Haiti

Nga OraNews Përditësimi i fundit 4 Tetor 2024, 14:37

Sërish masakër civilësh nga bandat kriminale në Haiti. Dhjetëra persona, mes të cilëve fëmijë u vranë gjatë një sulmi në një qytet të vogël.

Dhjetëra persona, mes të cilëve fëmijë u vranë pasi një bandë e armatosur sulmoi në një qytet të vogël në Haiti.

Shumë të tjerë mbetën të plagosur pasi anëtarët e bandës Gran Grif qëlluan nëpër rrugët e Pont-Sondé, rreth 71 km në veri-perëndim të kryeqytetit Port-au-Prince.

Këto pamje të shpërndara në rrjet, tregojnë grupe njerëzish që largohen me cc’të munden nga zona.

 Një prokurorë e përshkroi sulmin si "një masakër", raporton “Associated Press”.

Mediat lokale raportojnë për deri në 50 viktima, ndërsa një grup i të drejtave të njeriut në Haiti konfirmoi se janë mbi 20 por pa arritur të konfirmojnë një bilanc të saktë.

KAOS NË HAITI/ Përplasje e armatosur e shtetit me bandat në Haiti

Bandat e armatosura kanë marrë kontrollin e pjesës më të madhe të Haitit, ndërsa një mision policie i mbështetur nga OKB, i udhëhequr nga oficerë nga Kenia lufton me ta nga qershori

Gran Grif thuhet se është një nga bandat më të dhunshme të Haitit.

Në janar të vitit 2023 anëtarët e saj u akuzuan për sulmin ndaj një rajoni policie ku vranë disa agjente.

Banda ka rreth 100 anëtarë dhe është akuzuar për krime duke përfshirë vrasje, përdhunim, grabitje dhe rrëmbime, sipas një raporti të OKB-së.

Si themeluesi dhe udhëheqësi aktual i saj janë të sanksinuar nga SHBA.

Kryeministri Garry Conille është zotuar se do të godasë bandat, me OKB që thotë se nevojitet një "përdorim i fuqishëm i forcës".

Masakra e së enjtes, vjen rreth një muaj pasi autoritetet Haitiane zgjatën gjendjen e jashtëzakonshme në vend.

Rreth 700 mijë njerëz përllogaritet se janë larguar nga Haiti për shkak të luftës që bandat kriminale I kanë hapur shtetit.  Republika Domenikane lajmëroi se do të fillojë deportimin e rreth 10 mijë emigranteve në mes të krizës