Juventusi fiton në transfertë ndaj Genoas, bardhezinjtë ngjiten në vendin e parë
Nga OraNews Përditësimi i fundit 28 Shtator 2024, 20:05
Juventus ka arritur fitore me rezultat të thellë 3-0 në transfertë ndaj Genoas në kuadër të javës së gjashtë në elitën e futbollit italian.
Mysafirët ia dolën që të sigurojnë tri pikët në një stadium i cili ishte i tëri i boshatisur për shkak të dënimit që ka marrë Genoa.
Në këtë sfidë dy herë realizoi Dusan Vlahovic, fillimisht në minutën e 48-të dhe pastaj në minutën e 55-të.
Një tjetër e shtoi edhe blerja e re e Juventusit, portugezi Francisco Conceicao (89′) i cili shënoi për rezultatin përfundimtar 3-0.
Pas kësaj fitoreje, Juventusi ngjitet përkohësisht në pozitën e parë me 12 pikë, por me një ndeshje më shumë të zhvilluar se sa Torino që luan të hënën.
