Misteri i 800 ton mbetjeve toksike, Çollaku: Ka një lloj kaosi deklaratash nga dogana, porti, policia e prokuroria
Nga Anila Zyberaj Përditësimi i fundit 21 Gusht 2024, 20:46
Gazetari, Basir Çollaku në një intervistë në Ora Neës u shpreh për rastin e anijes me mbetje toksike që është një ngjarje e rëndë dhe se ka një lloj kaosi deklarimesh nga doganat, porti, policia e prokuroria.
Çollaku: Natyrisht që alarmi ka kërcitur në të gjithë botën përveç se në Shqipëri.
Janë institucionet ata që heshtin, janë institucionet tona të hetimit dhe zbatimit të ligjit që i kanë kthyer kurrizin ngjarjes e cila është shumë e rëndë.
Ka një lloj kaosi deklarimesh nga doganat, nga porti, nga policia e prokuroria.
Nuk janë në një mëndje, sikur janë në qeveri të ndryshme.
Kjo është një lloj kurthi ku ato kanë rëndë me dashje, është mosdëshira për të shkuar e për të zbardhur të vërtetën.
Ore fundja, a janë lëndë kimike, janë toksike apo janë radioaktive?
Ne nuk kemi një përgjigje serioze, zyrtare për këtë ngjarje shumë të rëndë.
Kjo është ngarkesë eksport vdekjeje.
