E kërkojnë disa ekipe/ Broja qëndron në Premier League, sulmuesi pranë akordit me skuadrën e…

Nga OraNews Përditësimi i fundit 20 Gusht 2024, 20:30

Armando Broja është pranë huazimit te skuadra e Ipusiç në Premier Ligën angleze.

Këto janë të rejat e fundit që vijnë nga merkato.

Gazetari anglez, Stuart Uatson, i cili është shumë pranë klubit të Ipsuiç, raporton se palët duket se kanë gjetur gjuhën e përbashkët për sa i përket huazimit të sulmuesit shqiptar drejt klubit të sapo ngjitur në Premier Ligë. 

Broja kërkon të marrë sa më shumë minuta, për të kapur formën e duhur, teksa Ipsuiçi duket një mundësi ideale për të.

Në orët në vijim pritet të vijë edhe zyrtarizimi për sa i përket huazimit nga skuadra e Çelsit.  

Bëhet fjalë për një huazim 1-vjeçar me të drejtë blerje për 30 milionë paund.

Kujtojmë që për Brojën kanë shfaqur interes disa ekipe në Itali, Angli apo dhe Gjermani.