Inzaghi pas barazimit ndaj Chelsea: Futbollistët po gjejnë ritmin, jemi gati për kampionatin
Nga OraNews Përditësimi i fundit 11 Gusht 2024, 19:28
Interi mbylli përgatitjet parasezonale me miqësoren ndaj Chelseat në “Stamford Bridge”, që përfundoi në barazim 1-1, teksa trajneri Simone Inzaghi vlerësoi paraqitjen e të tijve.
Tekniku zikaltër pranoi vështirësitë në përgatitje dhe kërkoi që tashmë vëmendja të kthehet nga kampionati, aty ky të shtunën do të nisë sezoni i ri me transfertën ndaj Genoas.
“Përgatitjet verore kanë qenë të vështira, por ishte e pritshme, pasi nuk e kemi pasur grupin e plotë.
Futbollistët po gjejnë ritmin gradualisht dhe ndaj Chelseat pashë shumë gjëra pozitive.
Më pëlqeu që ditëm të vuajmë dhe njëkohësisht të vëmë në vështirësi kundërshtarin.
Tani e gjithë vëmendja te ndeshja e parë e kampionatit ndaj Genoas.
Skuadra e Gilardinos është në formë dhe ambienti shumë entuziast, ndaj na pret një ndeshje shumë e vështirë”, theksoi Inzaghi.
