Jo vetëm Sherri, Cagliari kërkon edhe një tjetër portier shqiptar
Nga OraNews Përditësimi i fundit 6 Gusht 2024, 19:05
Cagliari në gjurmët e Etrit Berishës. Portieri i kombëtares shqiptare që vitin e kaluar ishte te Empoli është aktualisht pa një skuadër, dhe i duhet të gjejë një destinacion të ri për të vazhduar karrierën.
Një nga pistat që del së fundmi në horizont është ajo e Cagliarit, klub që vetëm pak ditë më parë mori Alen Sherrin për portën.
Lajmi bëhet i ditur nga media lokale Unione Sarda.
Te Cagliari në fakt janë duke kërkuar një portier të tretë, dhe drejtori sportiv Bonato preferon një lojtarë pa impejime kontraktruale, me parametra zero, ndërkohë që trajneri aktual i sardëve është Davide Nicola, që e kishte Berishën nën urdhërat e tij te Empoli sezonin e kaluar.
Në moshën 35 vjecare Berisha është një portier me shumë eksperiencë dhe nuk është cudi që kuqeblutë e kërkojnë, por mbetet për t’u parë nëse do të jetë kjo preferenca e vetë Berishës, që në këtë rast do t’i duhej të pranonte statusin e një lojtari rezervë.
Situata mund të ndryshoj në fakt në rast të një largimi të portierit të parë Scuffet, cka do t’i krijonte Berishës mundësinë për të rivalizuar për vendin mes shtyllave me portierin tjetër shqiptar Alen Sherri.
