Blinken: SHBA nuk është e përfshirë në vrasjen e liderit të Hamasit
Nga OraNews Përditësimi i fundit 31 Korrik 2024, 15:38
SHBA-ja nuk është përfshirë në vrasjen e liderit të Hamasit, Ismail Haniyeh, tha sot sekretari amerikan i Shtetit, Antony Blinken, raportoi Channel News Asia (CNA).
Gjatë një vizite në Singapor, Blinken përsëriti gjithashtu nevojën për një armëpushim në Rripin e Gazës – për të ulur tensionet në Lindjen e Mesme duke thënë se SHBA-ja do të punonte për këtë derisa të arrihet.
“Armëpushimi është vendimtar – jo vetëm për t’i dhënë fund vuajtjeve të palestinezëve në rajon – por edhe për të sjellë pengjet në shtëpi”, tha ai.
“Një nga faktorët ku ne jemi fokusuar – është të sigurohemi që konflikti në Gazë të mos përhapet, të mos shkojë në vende të tjera, të mos përshkallëzohet – dhe ne do të vazhdojmë të punojmë për kete”, tha Blinken.
