“Kundërshtarët tanë politikë kanë mbetur në shekullin e kaluar”, Xhafaj: Drejtësia goditi pa bërë skonto politike

Nga OraNews Përditësimi i fundit 28 Korrik 2024, 12:30

Kryetari i Komisionit të Posaçëm për Anti-Korrupsionin, Fatmir Xhafaj në fjalën e tij në Kongresin e Partisë Socialiste në Pallatin e Kongreseve, ndër të tjera komentoi edhe kundërshtarët politikë për të cilët tha se kanë mbetur në shekullin e kaluar.

Xhafaj shtoi se për faktin që ata (opozita) kanë mbetur me të njëjtën mendësi edhe vitin e ardhshëm, ata do të marrin të njëjtin rezultat që kanë marrë deri më tani.

Xhafaj: Me gjithë vitet mbi supe, eksperiencën dhe sprovat e një kohë të gjatë, emocionet e daljes para jush, mbeten po ato të herëve të para.

Pyes veten, se sa më shumë kalon koha, kristalizohet akoma më shumë marrëdhënie me këtë familje politike.

S’ka shpërblim më të madh që në kohën e duhur ke bërë edhe ti gjënë e duhur falë kësaj force politike.

Si të mos jemi krenar për rrugën që i kemi shtruar vendit tonë, duke mishëruare interesin kombëtar, vullnetin shtet-ndërtues dhe reformat, c’ka ka përcaktuar në esencë vetë AND-në e PS.

Kjo nuk është një klishe, por një fakt i pakundërshtueshëm.

Kjo familje politike, është ajo që 1998 e bëri vendin me të parë Kushtetutë moderne, pavarësisht një bojkoti fuqimisht absurd nga kundërshtarët tanë politikë, që fatkeqësisht që edhe sot vazhdojnë me të njëjtën avaz, me të njëjtin metër, me po të njëjtën mendësi.

Na vjen vërtet shumë keq që kanë mbetur po ata që ishin në shekullin e kaluar, por nuk them dot që më vjen keq, që po marrin po atë rezultat që do të marrin edhe vitin tjetër.

Ne do ta ndryshojmë dhe modernizojmë këtë vend, ku drejtësia është një korsi themelore dhe thelbësore. 

E kemi ditur se kjo e jona është një betejë e vërtetë. Edhe goditjet e drejtësisë do të ishin të vërteta pa bërë skonte politike,

as për vetë ne, mbase mbi të  gjithë për vetë ne.

Një dekadë më pas të mos shkosh të dëshmosh kur të thërrasin është bërë thjesht e paimagjinueshme. Ky është vetëm një shembull për të kuptuar fuqinë që kemi ngritur me mundin.  

Të gjithëve na takon që ta mbështesim këtë fuqi të ligjit. Qëndrimi i shpallur nga Rama për përgjegjësinë individuale ndaj drejtësisë është qëndrimi i duhur dhe iu përgjegjshëm. Duke e nisur nga vetja ndryshimin e zbatimit të kulturës të ligjit ne  garantojmë progresin që drejtësia duhet të bëjë pa u trazuar nga duart e politikës