Turizmi dhe çmimet në bregdet, Stafa:Rritja e cmimeve demton turizmin dhe xhepat

Nga Sonila Musai Përditësimi i fundit 27 Korrik 2024, 14:40

Nga monitorimi i Qendrës të Konsumatorit është vërejtur një rritje e paperballueshme e cmimeve te disa produkteve ne zonat bregdetare. Kreu i Qendres se konumatoreve ka shprehur shqetësimin e tij duke theksuar se ky fenomen është jo vetëm i papranueshëm, por edhe negativ për industrinë e turizmit.

Çmimet ne disa zona të bregdeti shqiptar jane rritur me shifra marramendase. Alarmi vjen nga kreu i Qendrës kombëtare të Konsumatorit Hasan Stafa.

“Pjesën më të madhe të ankesave më të mëdhaja I kemi për spekulim dhe rritjes së çmimeve. Rritja e çmimeve duke filluar kryesisht me zonën e Divjakës, Vlorës, Orikumin, Dhërmiut, Konispolit, Himarës, Konispolit, Borshit dhe Sarandës. Janë qendra të mëdhaja që kanë rreth 4 milion pushues gjatë sezonit turistik, të cilët këtë vit, ndryshe nga vitet e tjera kanë shfaqur , kanë shfaqur një fenomen negative në treg, duke vjedhur konsumatorët me spekulim dhe rritjen e çmimeve.”

Në një intervistë per Ora News Stafa ka bërë të ditur se nga monitorimi i fundit eshte zbuluar rritje të çmimeve në produkte themelore me kosto shumë më të larta se në qendrat e banuara .

“100%, 200%, 500%, pra një shishe birrë nëse blihet 95 lekë dhe shitet deri në 4 mijë/ dhe 5 mijë lekë të vjetra. Një shishe ujë merret 260 lekë, gjyslitroshe dhe shitet 2mijë lekë të vjetra, si dhe çmimi i shazllonit që është rritur me 4 fishin e vitit tjetër janë disa nga ankesat e konsumatorëve që vijnë nga kjo zonë.”

Ai ka shtuar se kjo praktikë nuk është e drejtë dhe ka pasoja negative për turizmin, duke i detyruar shumë vizitorë të blejnë ushqim dhe pije në markete, për shkak të pamundësisë per të perballuar restorantet.

“Turistët, kryesisht çekët, polakët, austriakët, gjermanët kanë filluar të blejnë bukë nëpër markete, supermarkete dhe të shkojnë ta konsumojnë aty pranë detit.”

Per kreun e qendres konsumatore ky shtrejntim i cmimeve jo vetëm që dëmton xhepin e turistëve, por gjithashtu rrezikon imazhin e vendit.