Mbrohu nga Tumoret! Neurokirurgu: Kujdes, duhen kontrolle të rregullta, prekin çdo moshë
Nga Sonila Musai Përditësimi i fundit 15 Korrik 2024, 18:05
Artur Xhumari shef i neurokirurgjisë në një intervistë për Ora News apelon për kujdes ndaj shëndetit.
Për të tumoret mund të jenë një nga sfidat më të mëdha shëndetësore dhe një nga mënyrat më efektive për të parandaluar dhe trajtuar është përmes kontrollimeve të rregullta shëndetësore.
Për Xhumarin vizitat e rregullta ofrojnë mundësinë për të zbuluar herët ndonjë shenjë të mundshme të tumoreve dhe për t'i dhënë trajtimin e duhur sa më herët.
Doktori thotë se tumoret nuk është se prekin një moshë të caktuar ndaj me rëndësi për çdo grupmoshë janë kontrollimet e rregullta shëndetësore për të mbrojtur shëndetin tuaj dhe për të zbuluar herët çdo problem të mundshëm shëndetësor.
Sakaq në një raport të publikuar së fundmi nga INSTAT mbi statistikat e shkaqeve të vdekjeve grupsëmundjet kryesore konsistojnë në: Sëmundjet infektive dhe parazitare duke pasuar më pas tumoret.
