Kina dhe Bjellorusia manovra të përbashkëta kundër terrorizmit
Nga OraNews Përditësimi i fundit 7 Korrik 2024, 16:25
Ushtarët kinezë zbarkuan dje në Bjellorusi për manovra të përbashkëta kundër terrorizmit që do të zhvillohet nga 8 deri më 19 korrik, tha Ministria e Mbrojtjes e Bjellorusisë në Telegram.
“Trajnimi i përbashkët do të ndihmojë në shkëmbimin e përvojës, përmirësimin e bashkëpunimit midis njësive bjelloruse dhe kineze dhe hedhjen e themeleve për zhvillimin e mëtejshëm të marrëdhënieve bjelloruse-kineze në fushën e manovrave të përbashkëta të trupave”, tha ministria.
Fotot e publikuara nga Ministria e Mbrojtjes e Bjellorusisë tregojnë një avion transporti kinez të aftë për të transportuar një numër treshifror ushtarësh.
Tensionet janë të larta midis Bjellorusisë dhe Perëndimit, veçanërisht në lidhje me Ukrainën, dhe kohët e fundit janë përkeqësuar më tej.
Udhëheqësi i Bjellorusisë, Alexander Lukashenko e portretizon vazhdimisht Perëndimin si një kërcënim për vendin e tij. Ai është një aleat i ngushtë i presidentit rus Vladimir Putin dhe ka autorizuar Moskën të vendosë armë bërthamore taktike në Bjellorusi.
Bjellorusia gjithashtu kohët e fundit përforcoi trupat e saj në kufirin me Ukrainën, duke pretenduar provokime nga vendi fqinj.
Kievi tha se ndihet i kërcënuar nga Minsku, pasi trupat ruse që pushtuan Ukrainën kishin ardhur nga territori bjellorus, duke sulmuar Ukrainën më shumë se dy vjet më parë.
