“Sulm mbi Korenë e Veriut”, Kim Jong Un mbikëqyr stërvitjen ushtarake
Nga OraNews Përditësimi i fundit 31 Maj 2024, 09:50
Udhëheqësi i Koresë së Veriut, Kim Jong-un mbikëqyri simulimin e një sulmi parandalues kundër Koresë së Jugut duke përdorur raketahedhës të shumtë të aftë për të lëshuar raketa balistike me koka bërthamore. Njoftimi duket se i referohet raketave balistike që Koreja e Veriut lëshoi dje në Detin e Japonisë.
Sipas Agjencisë Qendrore Koreane të Lajmeve manovra shërbeu për të demonstruar vendosmërinë e Phenianit për të nisur një sulm parandalues kundër fqinjit të tij jugor në përgjigje të kërcënimeve të drejtpërdrejta ndaj sigurisë dhe sovranitetit të tij.
Disa ditë më parë, Koreja e Veriut ka dërguar qindra balona mbi fqinjin e saj, Korenë e Jugut që përmbanin sasi të mëdha mbetjesh dhe fletëpalosje me material propagandistike. Seuli e konsideroi këtë veprim, një akt të rrezikshëm.
Njësia ushtarake e armëve shpërthyese dhe ekipi i reagimit të luftës kimike dhe biologjike u vendosën në gatishmëri për të inspektuar dhe mbledhur objektet dhe u dha një alarm duke paralajmëruar banorët që të qëndronin larg dhe të raportonin çdo pamje tek autoritetet.
