1 vit pas sulmeve në veri të Kosovës, Isufi: Situata sot është e qetë por e brishtë
Nga Siklajda Shorja Përditësimi i fundit 30 Maj 2024, 18:43
Gazetari, Venhar Isufi në një intervistë në Ora News u shpreh se 1 vit pas sulemeve në komunat veriore të Kosovës, situata sot është ndryshe, e qetë por e brishtë.
Isufi: Janë bërë 1 vit nga sulmet tashmë të dhunshme të protestuesve serbë në komunat veriore.
Në komunën e Zveçanit ka qenë një protestë më e dhunshme nga protestues të cilët kanë qenë të maskuar.
Sot nëse e shohim gjendjen në realitet është krejt ndryshe.
Është një situatë shumë e qetë, normalisht cilësohet si një situatë e brishtë sepse në veriun e Kosovës ende ka grupe të cilat janë në fakt prezentë por ato grupe që cilësohen si më të rrezikshme nuk janë në pjesën veriore.
