U kap në flagrancë, në banesën ku kishte hyrë për të vjedhur, arrestohet 22-vjeçari në Lushnje
Nga OraNews Përditësimi i fundit 27 Maj 2024, 13:17
Një 22 vjeçar u arrestua pasi u kap në flagrancë pasi kishte hyrë në një banesë për të vjedhur.
22 vjeçari ishte dënuar më parë për vjedhje.
Njoftimi i policisë:
Lushnjë
U kap në flagrancë, në banesën ku kishte hyrë për të vjedhur, vihet në pranga 22-vjeçari.
Si rezultat i ndërhyrjes së shërbimeve të Komisariatit të Policisë Lushnjë, menjëherë pas njoftimit nga një shtetas, se po tentohej të vidhej në banesën e tij, në lagjen "Skënder Libohova", u bë i mundur arrestimi i autorit të këtij rasti:
E. D., 22 vjeç, banues në Tiranë, i dënuar më parë për vjedhje.
Shërbimet e Policisë e kapën 22-vjeçarin në flagrancë, në mbrëmje, në katin e dytë të banesës ku kishte hyrë për të vjedhur.
Materialet procedurale i kaluan Prokurorisë, për veprime të mëtejshme, për veprën penale “Vjedhja”, mbetur në tentativë.
