Putin shkarkon nga detyra ministrin e Mbrojtjes, ja kush u emërua në vend të Sergei Shoigu

Nga OraNews Përditësimi i fundit 12 Maj 2024, 22:49

Ministri rus i mbrojtjes u zëvendësua pas më shumë se dy vjetësh nga lufta në Ukrainë.

Presidenti rus Vladimir Putin ka emëruar Andrey Belousov si ministër të Mbrojtjes, duke zëvendësuar ministrin aktual Sergei Shoigu, tha Kremlini të dielën mbrëma.

“Sergei Shoigu u lirua nga posti i tij si Ministër i Mbrojtjes i Federatës Ruse me dekret presidencial dhe u emërua gjithashtu me dekret të Presidentit të Federatës Ruse si Sekretar i Këshillit të Sigurimit të Federatës Ruse”, tha zëdhënësi i Kremlinit, Dmitry Peskov.

Shoigu do të jetë gjithashtu zëvendës i Putinit në Komisionin Ushtarak-Industrial të Federatës Ruse, tha Peskov.

Nikolai Patrushev, Sekretari i mëparshëm i Këshillit të Sigurimit, u lirua nga posti i tij dhe është “për shkak të një transferimi në një punë tjetër”, tha Peskov.