Mitropoliti i Korçës, Imzot Joani: Gëzuar Pashkët, të përqafojmë dhe të falim njëri-tjetrin
Nga OraNews Përditësimi i fundit 4 Maj 2024, 16:32
Mitropoliti i Korçës, Imzot Joani ka uruar besimtarët ortodoksë për festën e Pashkëve.
Ai ka dhënë një mesazh urimi për të gjithë besimtarët.
''Të dashur vëllezër dhe motra, ngjallja e Krishtit, kjo dhuratë e Perëndisë për të gjithë njerëzit kërkon një përgjigje nga ana jonë.
Ne thirremi të jetojmë një jetë të re e të vërtetë, plot shpresë paqe dhe dashuri.
Thirremi të përqafojmë njëri tjetrin e të falim njëri tjetrin në cdo gjë.
Le ti hapim pra zemrat tona dhe ta pranojmë këtë dhuratë të mrekullueshme me mirënjohje.
Ngjallja e Krishtit do të bëhet realitet për gjithësecilin prej nesh vetëm nëse njëjtësohemi me Krishtin.
Do të doja të ju uroja të gjithëve që drita e Pashkës të ndricojë zemrat dhe jetën tuaj'', tha ndër të tjera në urimin e tij, mitropoliti i Korçës, hirësia e tij Imzot Joani.
