Sulme izraelite në fshatrat libaneze, raportohet 1 i vrarë dhe 3 të plagosur
Nga OraNews Përditësimi i fundit 2 Maj 2024, 06:56
Një luftëtar i Hezbollahut u vra dhe tre civilë u plagosën në sulmet ajrore izraelite në fshatrat libaneze në Libanin jugor, thanë burimet ushtarake.
Burimet, të cilët folën në mënyrë anonime, thanë se një avion luftarak izraelit lëshoi dy raketa në fshatin jugor të Libanit, Tayr Harfa, duke shkatërruar një shtëpi dhe duke vrarë një luftëtar të Hezbollahut brenda shtëpisë.
Sipas burimeve, një tjetër sulm ajror synoi fshatin juglindor të Adaysseh, duke plagosur tre civilë.
Burimet ushtarake shtuan se avionët luftarakë izraelitë kryen një seri sulmesh ajrore në tre qytete dhe fshatra në sektorët lindorë dhe qendrorë të zonës kufitare në Libanin jugor.
Tensionet përgjatë kufirit Liban-Izrael u përshkallëzuan më 8 tetor 2023, pas një breshëri raketash të lëshuara nga grupi i armatosur libanez Hezbollah drejt Izraelit në solidaritet me sulmin e Hamasit ndaj Izraelit një ditë më parë. Izraeli më pas u kundërpërgjigj duke gjuajtur artileri të rëndë në drejtim të Libanit juglindor.
Konfrontimet midis Hezbollahut dhe Izraelit kanë vrarë 445 persona në anën libaneze, sipas burimeve libaneze të sigurisë.
