Dënohet “mbreti” i kriptomonedhave! Themeluesi i “Binance”, 4 muaj burg në SHBA për pastrim parash

Nga OraNews Përditësimi i fundit 1 Maj 2024, 14:43

Themeluesi i Bursës së Kriptomonedhave, Binance është dënuar me 4 muaj burg në SHBA ku u deklarua fajtor mbi akuza për krime financiare. Miliarderi u shpall fajtor për shkeljen e ligjeve kundër pastrimit të parave, ndërsa dënimi ishte shumë më i lehtë nga kërkesa e prokurorëve që përmes procesit ndaj tij synonin ti dërgonin një mesazh kundër krimit në këtë sektor

Changpeng Zhao, themeluesi miliarder i bursës së kriptomonedhave Binance, u dënua të martën me katër muaj burg pasi u deklarua fajtor për akuzat për pastrim parash vitin e kaluar.

Dënimi, i dhënë në një gjykatë federale amerikane në Seattle, është shumë më i lehtë nga kërkesa e prokurorëve për tre vit burg! Avokatët në anën tjetër kërkuan liri me kusht

Përpara seancës Zhao, kërkoi falje për gabimet që bëri si Shef ekzekutiv i Binance, që ai themeloi në 2017-n.

“Fjalët nuk mund të shpjegojnë se sa thellësisht pendohem për zgjedhjet e mia që më rezultojnë të jem para Gjykatës”, tha ai në një letër drejtuar gjyqtarit.

“Të jeni të sigurt se nuk do të ndodhë më kurrë”, thuhej në qëndrim.

Dënimi i Zhao ishte dënimi i dytë i profilit të lartë këtë vit në fushatën e Departamentit të Drejtësisë për të çrrënjosur sjelljen kriminale në industrinë e kriptove.

Në mars, Sam Bankman-Fried , themeluesi i bursës së shkatërruar FTX dhe rivali i dikurshëm i biznesit të Zhao, u dënua me 25 vjet burg për mashtrim.

Zhao dhe Bankman-Fried qëndruan në krye të industrisë së kriptove multi-trilionë dollarëshe për disa vite.

Binance ra dakord të paguante më shumë se 4 miliardë dollarë gjoba dhe gjoba të tjera si pjesë e një marrëveshjeje të koordinuar me qeverinë federale vjeshtën e kaluar.

Kompania pranoi se ishte përfshirë në aktivitete të pastrimit të parave, transmetimit të palicensuar të parave dhe shkeljeve të sanksioneve.

Zhao, i cili është 47 vjeç dhe ka një pasuri personale prej afro 40 miliardë dollarë, sipas Bloomberg , pranoi të largohej nga posti I drejtorit ekzekutiv të Binance dhe të paguante 200 milionë dollarë gjobë.