Beleri kandidat për eurodeputet, politika në Greqi e përçarë: Vendim populist dhe dritëshkurtër
Nga OraNews Përditësimi i fundit 24 Prill 2024, 13:05
Kandidatura e Fredi Belerit për eurodeputet të Parlamentit Europian ka përçarë politikën greke.
Zgjedhja e një personi me një të kaluar të errët, i cili po vuan një dënim prej dy vitesh burg me akuzën e blerjes së votave, vështirë se është pa rreziqe, mendon revista prestigjioze Politico, duke cituar burime zyrtare në politikën grekë. Ministria e Jashtme e Greqisë ka shfaqur rezerva të forta për Fredi Belerin ndërsa po thuhet se zgjedhja e tij nga demorkacia e re Kiriakos Mitsotakis, ishte bazuar në një kalkulim delikat politik….
“Vendimi për kandidaturën e Fredi Belerit duhej të peshonte përfitimet elektoral për partinë në pushtet dhe mbështetjen e spektrit të djathtë patriotik brenda Partisë ‘Demokracia e Re’ nga njëra anë përballë marrdhënieve me Shqipërinë dhe shumicën e partnerëve evropianë të Greqisë nga ana tjetër. Vendimi i marrë nga kryeministri grek tregon se peshorja u anua në favor të faktorit të parë,” shprehet Loukas Tsoukalis, profesor në Sciences Po, Paris.
E majta greke është kundër kandidaturës së Ferdi Belerit për eurodeputet të Parlamentit Europian. Nikos Androulakis, kreu i partisë Socialiste PASOK, tha se strategjia e Demokracisë së Re vështirë se ndihmon komunitetin grek në Himarë.
“Minoriteti grek ka nevojë për Belerin si kryetar i Bashkisë së Himarës. Ky duhet të ishte prioriteti i qeverisë, por agonia e Mitsotakis për të ndaluar humbjen e votave për partitë e djathta e bëri atë t'i trajtonte gjërat në këtë mënyrë".
Të tjerë mendojnë se veprimi i Greqisë për caktimin e Belerit kandidaturë për PE ishte "populist, oportunist dhe dritëshkurtër".
Greqia argumenton se rasti i Belerit duhet të shihet si një çështje evropiane dhe jo dypalëshe, pasi ai përfaqëson një shqetësim për sundimin e ligjit në një vend që aspiron të bashkohet me BE.
Athina gjithashtu këmbëngul se rruga e pranimit të Shqipërisë në BE duhet të kaloje përmes respektimit të pakicës greke.
