Natyra apo mendja njerëzore e shkaktuan përmbytjen e Dubait?  Artenida Gjoni i përgjigjet teorisë konspirative  

Nga Lili Saraçi Përditësimi i fundit 19 Prill 2024, 10:31

Emiratet e Bashkuara Arabe kanë nisur pastrimin e rrugëve të përmbytura si pasojë e stuhisë së shiut që përfshiu vendin.

Gadishulli Arabik u përball me reshjet më të mëdha të shiut në historinë e këtij vendi.

Reshjet janë të rralla në Emiratet e Bashkuara Arabe, që njihen për klimën e thatë të shkretëtirës.

Nga reshjet e shiut më intensive në historinë e Dubait, u shkaktuan dëme të mëdha, në biznese, rrugë apo dhe shtëpi.

Shqiptarja me banim në Dubai Artenida Gjoni, në një lidhje me skype në studion e lajmeve në “Ora News” foli për situatën e krijuar përmbytjet që nga anulimet e fluturimeve tek përmbytja e shtëpive, përjetimet e qytetarëve atje, por edhe të shqiptarëve të bllokuar.

Ndërkaq e pyetur mbi teorinë më të fundit konspirative se ajo çfarë ndodhi në Dubai ishte një shi i krijuar nga mbjellja artificiale e reve, Gjoni theksoi se një gjë e tillë është e pamundur.

“Pasi një shi artificial nuk ka asnjëherë fuqinë që të krijojë përmbytje të tilla.

Pra çdo gjë ishte një fenomen i pastër natyror”, u shpreh nga Dubai shqiptarja Artenida Gjoni.