Kombëtarja U-17/ Kuqezinjtë e Shkëmbit mbyllin përgatitjet, gati për miqësoren ndaj Sllovenisë
Nga OraNews Përditësimi i fundit 17 Prill 2024, 19:01
Shqipëria U17 zhvilloi paraditen e sotme në Udine të Italisë seancën e fundit stërvitore, në kuadër të ndeshjes miqësore ndaj Sllovenisë U17.
Departamenti i Komunikimit në FSHF, bën me dije se grupi është në gjendje të mirë.
Të gjithë lojtarët janë të gatshëm për të dhënë kontributin e tyre në sfidën miqësore.
Nën drejtimin e trajnerit Bledi Shkëmbi skuadra u stërvit për rreth një orë.
Seanca e fundit nuk pati shumë ngarkesa fizike, me stafin teknik që e fokusoi më shumë stërvitjen në ushtrimet me topin dhe situata të ndryshme loje.
Takimi miqësor i Shqipërisë U17 ndaj Sllovenisë U17, do të luhet nesër (e enjte), duke nisur prej orës 11:00, në Ajdovscina, Slloveni.
