Arteta dhe Klop, kandidatë për trajnerin më të mirë të muajit në Angli

Nga OraNews Përditësimi i fundit 5 Prill 2024, 22:59

Pasi mbajti të pamposhtur Arsenalin gjatë tri muajve të parë të vitit 2024, Mikel Arteta është nominuar për çmimin e trajnerit të muajit mars në Premier Ligë.

Spanjolli kandidon për këtë çmim për të tretin muaj radhazi, ndërsa udhëhoqi “topçinjtë” drejt dy fitoreve dhe një barazimi në 3 ndeshjet e muajit të shkuar.

Ai do të ketë konkurrencën e Andoni Iraolës së Bournemouth, me bashkatdhetarin e tij që shënoi tri fitore dhe një barazim në Premier Ligë gjatë muajit mars.

Kandidati tjetër është Ange Postekoglu i Totenhemit, i cili regjistroi tri fitore në 4 ndeshje, ndërsa në garë është edhe Jurgen Klop, me Liverpulin që fitoi ashtu si Arsenali, 7 pikë në 3 ndeshje.