“I uritur të mësojë, u përshtat shpejt”, trajneri i Spartës thur elozhe për Tucin
Nga OraNews Përditësimi i fundit 4 Prill 2024, 19:33
Indrit Tuci u transferua gjatë merkatos dimërore nga Lokomotiva e Zagrebit te Sparta e Pragës, ekip ku luan edhe Qazim Laçi.
Me mesfushorin energjik të Kombëtares që është një nga të preferuarit e tifozëve.
Tuci po përshtatet shumë mirë te kampionët e Çekisë.
Të mërkurën u shfaq protagonist me asist në suksesin 0-2 kundër Opavës, që i siguroi Spartës kualifikimin në finalen e Kupës së Çekisë.
Në deklaratën pas fitores, trajneri i ekipit kryeqytetas, Brian Priske, u ndal edhe tek Indrit Tuci dhe Markus Solbakken, dy afrimet e merkatos së janarit.
“Tuci dhe Solbakken po përshtaten shumë shpejt me ne.
Kjo dëshmon jo vetëm për qëndrimin e tyre, por edhe mjedisin e mirë që ekziston te Sparta.
Ata duan të mësojnë dhe të përfshihen sa më shumë në punën e përditshme.
Në të njëjtën kohë, ata po ndihen rehat edhe me shokët e rinj të skuadrës.
Dallohet një gjë e tillë edhe në performancat e tyre.
Karakteristikat e Tucit dhe Solbakken përshtaten në mënyrë të përkryer me ekipin tonë.
Jam i kënaqur me të dy.
Tani e kanë vetë në dorë të bëjnë edhe më mirë dhe të përmirësohen edhe më shumë”, deklaroi tekniku danez i kampionëve në fuqi të Çekisë.
Sparta kryeson kampionatin me 66 pikë, një më shumë se Slavia ndjekëse.
Ndërkohë që në finalen e Kupës së Çekisë, Sparta do të përballet me fituesin e Plzen-Zlin.
23-vjeçari laçian numëron 1 gol dhe 3 asiste me Spartën në 9 takimet e zhvilluara mes kampionatit, Kupës dhe Europa League.
