Një çerekshekulli, KosovaPress shkon përtej kufijve
Nga OraNews Përditësimi i fundit 3 Prill 2024, 16:05
Shumë agjenci botërore të lajmeve nga e gjitha Evropa dhe Ballkani u bashkuan për herë të parë në kryeqytetin e Kosovës për të kremtuar 25-vjetorin e Agjencisë së Lajmeve KosovaPress.
Agjencia e Pavarur e Lajmeve shënoi çerekshekullin me galambrëmje, në mesin agjencive të lajmeve, mediave, diplomatëve të huaj, përfaqësuesve të qeverisë, e me numër të madh të bashkëpunëtorëve.
Puna dhe kontributi i KosovaPress-it u vlerësua lart, teksa u tha se ka shkuar përtej kufijve duke iu mundësuar qasje të informatës së saktë të gjithë lexuesve të vet.
