Vinin baste sportive në mënyrë të paligjshme nëpërmjet telefonave, vihen në pranga dy persona
Nga OraNews Përditësimi i fundit 10 Mars 2024, 17:41
Dy persona janë vënë në pranga pasi ushtronin veprimtarinë e paligjshme të vënies së basteve sportive nëpërmjet celularëve.
Të arrestuarit janë shtetasit E. S., 31 vjeç, dhe E. V., 22 vjeç, të dy banues në Tiranë.
Gjatë kontrolleve të ushtruara në dy lokale në Unazë të Re, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.
Materialet procedurale i kaluan Prokurorisë, për veprime të mëtejshme.
