VIDEO/ Donte të kopjonte Neymar, gjuajtja e penalltisë së sulmuesit bën xhiron e rrjetit

Nga OraNews Përditësimi i fundit 9 Mars 2024, 21:55

Juja Osako, sulmuesi i Visel Kobe në kampionatin japonez, është bërë protagonisti i rrjeteve sociale gjatë ditës së sotme.

Jo falë golit që shënoi në fitoren në transfertë ndaj FC Tokio, por për një gabim që bëri në pjesën e parë të sfidës në fjalë.

Atij iu dha detyra të ekzekutonte një penallti që në minutën e 9-të të sfidës.

Osako tentoi ta ekzekutonte me lëvizjen e famshme të Neymar, që e nis vrullin nga një anë për të përfunduar të tjetra.

Por në momentin e fundit ai rrëshqiti duke çuar topin krejtësisht larg portës, mes të qeshurave të publikut vendas.

Për fat të mirë, ish-sulmuesi i Verder Bremen, mori hak në pjesën e dytë të sfidës, kur në minutën e 74-t shënoi golin e rezultatit 2-1 që i dha fitoren ekipit të tij.

Megjithatë, videoja e gabimit të tij është bërë virale, duke qenë ndër më të shpërndarat në rrjetet sociale.