VIDEO/ ''Lumë'' golash në ''Loro Boriçi'', Vllaznia mund thellë Erzenin dhe shkon në gjysmëfinalen e Kupës

Nga OraNews Përditësimi i fundit 6 Mars 2024, 19:47

Vllaznia ka prerë një biletë për në gjysmëfinalen e Kupës së Shqipërisë, pasi eliminoi Erzenin.

Këta të fundit fituan 2-1 në aktin e parë, por sonte në “ Loro Boriçi”, shkodranët triumfuan 6-1.

Në minutën e 13-të, Esat Mala mori një top të bukur nga krahët, e nga fare pranë portës ia doli të zhbllokojë takimin.

Në minutën e 38-të, Atanda “tradhtoi” ekipin nga Shijaku, teksa pas një ndërhyrje ndaj Grudës, u ndëshkua me karton të kuq, duke lënë skuadrën me një lojtar më pak.

Në superioritet numerik, ekipi i Osmanit gjeti edhe golin e dytë me anë të Bekim Balaj.

Erzeni u fut në lojë në pjesën e dytë, i ndihmuar nga një autogol i Stojanovic. Pavarësisht rasteve, nuk pati më gol brenda 90 minutash, me ekipet që iu drejtuan shtesës.

Festa te Vllaznia u ndez në minutën e 97-të, atëherë kur me kokë u koordinua më mënyrë perfekte Bruno Gomes.

Në të 106-tën, Bekim Balaj “vulosi” një herë e mirë kualifikimin e Vllaznisë për në gjysmëfinale.

Në fund, pati kohë edhe për dy gola të tjerë të Gomes.

GOLAT:

https://streamin.one/v/f56f86ce

https://streamin.one/v/4a1d5a93

https://streamin.one/v/fdb9ef55

https://streamin.one/v/2981e45f

https://streamin.one/v/04099129

https://streamin.one/v/7e42871b

https://streamin.one/v/f903f91a