VIDEO/ Si e paralajmëroi nga Shkodra Ilir Meta shembjen e rrugës “super të shtrenjtë, por pa standarde” Korçë-Ersekë
Nga OraNews Përditësimi i fundit 19 Shkurt 2024, 10:00
Kryetari i Partisë së Lirisë Ilir Meta ka reaguar këtë të hënë për shembjen e rrugës “super të shtrenjtë, por pa standarde” Korçë-Ersekë.
Përmes rrjeteve sociale, Meta sjell pjesë nga fjalimi i tij në Shkodër në takimin me strukturat e partisë që ai drejton, ku më 10 shkurt ai e paralajmëroi publikisht ngjarjen e djeshme.
“Para një jave nga Shkodra e paralajmërova atë që pritej të ndodhte me rrugën super të shtrenjtë, por pa standarde, "Korçë-Ersekë", që rrezikon të përsëritet në "Kardhiq-Delvinë", por dhe në rrugët e tjera të florinjta të "Rilindjes".
"Veprat" më të mëdha të kësaj Qeverie janë gropat shumë të thella të korrupsionit në çdo sektor, që vetëm thellohen dhe përhapen kudo!
Kështu ndodh në një vend ku drejtësia garantohet nga ai që e ka kapur për fyti: Kryeministri!”, shprehet kreu i PL-së, Ilir Meta teksa publikon dhe videon e paralajmërimit nga Shkodra.
