Bregu: Atë që Kraja s’e bëri në 4 vite, e bëri Dumani. Në 1 vit i kemi parë të gjithë që shkojnë në derën e SPAK-ut
Nga OraNews Përditësimi i fundit 30 Janar 2024, 22:02
Gazetari Sokol Bregu i ftuar në studion e emisionit “Ora e Betit” në Ora News deklaroi se asgjë nuk mund ta pengojë punën e Prokurorisë së Posaçme sa i përket hetimeve të zyrtarëve të lartë.
“Dhjetorin e kaluar e pamë që qeveria kërkoi mbështetjen dhe zgjedhjen e një prokurori në krye të SPAK-ut, dhe ambasada amerikane kërkoi dhe mbështeti zgjedhjen e Dumanit dhe unë mendoj se ky i dha të gjitha rezultatet e tij.
Atë që nuk e dha Arben Kraja në 4 vite, me z. Dumani i kemi parë në një vit të gjithë që hyjnë e dalin në derën e SPAK-ut.
Nuk ka në asnjë vend të botës që një kryeministër që është detyrë të shkojë në ndonjë prokurori. Por kjo ndodh gjithmonë kur lë mandatin.
I ka marrë gjysmën e qeverisë dhe ia ka çuar në burg, çfarë duhet të bëjë më shumë se kaq”, u shpreh gazetari Sokol Bregu.
