PAMJET + Detajet e reja/ Plagosen rëndë babë e bijë në trotuar nga rënia e skelës në Tiranë
Nga OraNews Përditësimi i fundit 22 Janar 2024, 11:08
Dalin detajet e para nga ngjarja e rëndë që ka ndodhur pak minuta më parë në kryeqytet, ku skela e një pallati në ndërtim ka rënë duke plagosur dy qytetarë.
Ngjarka ka ndodhur në zonën e ish-Parkut të Autobuzave, ku një pjesë e skelës së një pallati në ndërtim ka rënë duke zënë poshtë dy kalimtarë, babë e bijë.
Të plagosurit janë transportuar në spital. Në vendin e ngjarjes ka shkuar policia që ka nisur hetimet në lidhje me këtë rast. Të tjera detaje pritet të mësohen në vijim mbi këtë ngjarje.
Tiranë/Informacion paraprak
Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.
Dy të dëmtuarit ndodhen në spital, në kujdesin e mjekëve.
Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave të ngjarjes.
