Debat i shpër para shkarkimit, Mourinho i tha fjalë të rënda presidentit Friedkin
Nga OraNews Përditësimi i fundit 17 Janar 2024, 13:13
Një takim mëngjesi në Trigoria dhe një mesazh: “Ejani në zyrën time”. Dan Friedkin, president i Romës, mendoi për zgjidhjen e krizës gjatë gjithë natës, më pas vendosi: loja kishte mbaruar.
Ai kishte zbarkuar qëllimisht në Romë, të hënën në mbrëmje, i bindur për të ecur përpara dhe nuk humbi kohë, duke i komunikuar shkarkimin José Mourinhos pak pas orës 8 të mëngjesit në prani të djalit të tij Ryan, i cili kishte kërkuar me ngulm ndryshimin.
Trajneri portugez nuk e mori aspak mirë: tha fjalë të rënda në anglisht, tipike për ndarjet e turbullta.
Presidenti e qortoi Mourinhon për disa mangësi, ndërsa Mourinho u përgjigj në të njëjtën mënyrë, duke i kujtuar një sërë premtimesh të pambajtura.
Më pas, rreth orës 9.30, Roma publikoi deklaratën ku shpallte fundin: na vjen keq, por duhej “ndryshim i menjëhershëm”.
Në Trogoria, pak më vonë, zyrtarizohet një tjetër trajner, i vetmi njeri në faqen e dheut që mund të zbusë (pjesërisht) zhgënjimin e tifozëve për shkarkimin e idhullit: Daniele De Rossi.
Ish-mesfushori u largua nga Trigoria si kapiten në vitin 2019 dhe pesë vite më vonë kthehet si shpëtimtari i ngjyrave verdhekuqe.
