VIDEO/ Juventus mund pastër Sassuolon dhe nuk i ndahet Interit në krye
Nga OraNews Përditësimi i fundit 16 Janar 2024, 22:42
Juventusi bën…Juventusin.
Bardhezinjtë koleksionuan fitoren e katërt radhazi në kampionat, duke shkuar në vetëm -2 pikë nga Interi kryesues.
Ekipi i Maximilliano Allegrit kaloi 3-0 Sassuolon, në një sfidë spektakolare në Torino.
Sulmuesi serb Dusan Vlahovic udhëhoqi “Zonjën e vjetër” në këtë takim, teksa realizoi një gol fantastik në minutën e 14-të.
Goli i dytë mban firmën e të njëjtit autor.
Një ekzekutim perfekt i Vlahovic në minutë ne 37-të mahnit të pranishmit në stadium, portieri Consigli përsëri nuk mund të bënte asgjë. Në fund, Chiesa thelloi shifrat.
Trajneri i skuadrës nga Reggio Emilia, Dionisi vendosi të mos aktivizojë titullarë mesfushorin shqiptar, Nedim Bajrami. Me këtë disfatë, Sassuolo është në vendin e 14-të.
Juventusi i vendit të dytë (49 pikë) mbetet rivali kryesor i Interit, në garën për titullin kampion në Serie A.
