Komplot në bursën e Londrës? Policia arreston 6 persona, pjesë e grupit pro palestinez
Nga OraNews Përditësimi i fundit 14 Janar 2024, 22:16
Një informacion që është vënë në dispozicion nga gazeta “Daily Express” ëoi në arrestimin e një grupi personash që ditën e hënë nuk do të lejonin hapjen e qendrës së tregtisë. Gjashtë persona janë arrestuar pasi dyshohet për një komplot për të prishur bursën e Londrës.
Policia e Met tha se personat e përfshirë do të tentonin ditën e hënë që të mos hapej ndërtesa e tregtisë, por pa qartësuar se si do e bënin këtë. Sipas të njëjtit burim informacioni, të dhënat e mbledhur deri tani sugjerojnë se aktivistët janë pjesë e grupt Veprimi i Palestinës.
Ditën e sotme u kryen arrestime në Londër, Liverpool dhe Brighton. Të gjashtë personat janë aktualisht në paraburgim. Policia e Met tha se ishte e vetëdijshme për sugjerimin se kjo ishte një pjesë e një jave të planifikuar për të vepruar dhe për këtë arsye është në kontakt me forca të tjera, përfshirë policinë e qytetit të Londrës, për të siguruar që çdo akt tjetër i mundshëm të trajtohej. Policia bëri të ditur se arrestimet u nxitën nga informacioni i ndarë nga Daily Express.
"Këto janë arrestime të rëndësishme. Ne besojmë se ky grup ishte gati të kryente një marifet shkatërrues dhe të dëmshëm që mund të kishte pasur implikime serioze nëse do të ishte kryer me sukses," tha Det Supt Sian Thomas. Një 31-vjeçar nga Liverpooli u arrestua nën dyshimin për komplot për të shkaktuar dëme kriminale me oficerët e policisë së Merseyside. Pesë të tjerë u arrestuan për të njëjtën vepër më vonë gjatë ditës, duke përfshirë një grua, 29 vjeç nga Brent në veri të Londrës, një burrë 23-vjeçar nga Toëer Hamlets në lindje të Londrës, dy gra, 28 dhe 26 vjeç, nga Liverpool dhe një burrë 27-vjeçar në Brighton.
"Unë jam mirënjohës për Daily Express për gatishmërinë e tyre për të ofruar informacionin e mbledhur nga hetimi i tyre," tha Det Supt Thomas. Falë përpjekjeve të vendosura të ekipit të krimit të rendit publik të Met dhe policisë Merseyside që oficerët ishin në gjendje të identifikonin, lokalizonin dhe arrestonin ata që dyshojnë se ishin të përfshirë në këtë komplot.
