Migrantët e parë për 2024-n kalojnë La Manshin
Nga OraNews Përditësimi i fundit 13 Janar 2024, 14:20
Migrantë që kalojnë La Manshin për vitin 2024 janë raportuar për herë të parë sot.
”Mbërritje nuk janë regjistruar që nga 16 dhjetori”, sipas shifrave të Home Office, me kushtet e këqija të motit që mund të kontribuojnë në mungesën e aktivitetit në det.
Sot, një grup njerëzish që besohet se ishin migrantë u sollën në breg në Dover.
Ata u panë duke mbërritur në një anije të Forcave Kufitare. Më parë, deri më 11 janar, nuk u regjistruan asnjë kalim për në Mbretërinë e Bashkuar për 26 ditë.
Ky ishte hendeku më i gjatë në mbërritjet e anijeve të vogla në pesë vjet.
Totali i përkohshëm vjetor për vitin 2023, 29 437 migrantë, është 36% më i ulët se rekordi prej 45 774 kalimesh për të gjithë vitin 2022. Është ende totali i dytë më i lartë vjetor i regjistruar, mbi shifrën për vitin 2021 (28 526).
