Vrasja me snajper në Vlorë, Softa: Ishte i mirëorganizuar, autorët nuk kanë lënë gjurmë
Nga OraNews Përditësimi i fundit 11 Janar 2024, 13:30
Në një intervistë për Ora News, eksperti i sigurisë, Fatjon Softa u shpreh se vrasja në Vlorë është vazhdën e atentateve që kanë ndodhur në vend vitet e fundit me skemë të njëjtë; vrasje, largimi nga vendi i ngjarjes dhe djegie makine.
Ai shtoi se atentati ishte e mirëorganizuar si ngjarje sepse nuk kishte energji elektrike në zonë dhe kjo ka ndihmuar autorët të largoheshin.
Softa: Kjo është në vazhdën e atentateve që kanë ndodhur në vend vitet e fundit me skemë të njëjtë; vrasje, largimi nga vendi i ngjarjes dhe djegie makine. Në këtë rast ka një ndryshim ku është përdorur një snajper dhe është ekzekutuar në mënyrë mafioze me një plumb nga makina duke mos lënë prova në vendin e ngjarjes.
Ishte e mirëorganizuar si ngjarje sepse nuk kishte energji elektrike në zonë dhe kjo ka ndihmuar autorët të largoheshin. Policia ka ngritur grupin hetimor dhe ka marrë kamerat në zonë, për të zbuluar lëvizjes e autorët atë ditë dhe në ditë të mëparshme. Për sa kohë nuk kemi identifikimin e autorëve, mbetet një hetim në vazhdim. Por sa më shumë kohë kalon, aq më e vështirë bëhet.
