4 fëmjë në Siri vriten nga minat tokësorë në 2024
Nga OraNews Përditësimi i fundit 11 Janar 2024, 06:48
Katër fëmijë janë vrarë dhe tetë të tjerë janë plagosur nga shpërthimet e minave tokësore në Siri që nga fillimi i vitit, tha një monitorues i luftës.
Observatori Sirian për të Drejtat e Njeriut, një monitorues i luftës me bazë në Britani, tha se tre fëmijë u vranë dhe gjashtë u plagosën nga minat në zonat e kontrolluara nga qeveria, ndërsa një u vra dhe dy u plagosën në zonat e kontrolluara nga Forcat Demokratike Siriane të udhëhequra nga kurdët në verilindje.
Grupi paralajmëroi se mbetjet e luftës përbëjnë një kërcënim serioz për civilët, veçanërisht fëmijët, të cilët shpesh ndeshen me eksplozivë të pazbuluar në pjesë të ndryshme të vendit.
Në vitin 2023, observatori regjistroi 256 vdekje civile, duke përfshirë 81 fëmijë dhe 24 gra, dhe 365 lëndime, përfshirë 136 fëmijë dhe 20 gra, nga shpërthimet e minave tokësore dhe mbetje të tjera të luftës.
Media shtetërore siriane zakonisht fajëson për incidentet grupet terroriste që vendosën mina dhe eksplozivë në zonat e banuara, rrugët dhe tokat bujqësore përpara se të tërhiqeshin nga zonat e pushtuara nga ushtria siriane.
Qeveria thotë se militantët synojnë të dëmtojnë dhe trembin civilët dhe t’i pengojnë ata të kthehen në shtëpitë e tyre.
