I zhveshur në temperaturë -21 gradë, stërvitja e çmendur e kampionit olimpik

Nga OraNews Përditësimi i fundit 10 Janar 2024, 12:11

Atleti olimpik, Karsten Warholm, i cili është shpallur kampion në 400 metra me pengesa, ka sfiduar të ftohtin polar të Norvegjisë në një mënyrë tepër origjinale.

Ai ka publikuar në rrjetin social Instagram, një video nga stërvitja e tij në “Bislett Stadion” të Oslos, ku pista është e mbuluar nga dëbora.

Në kushte ekstreme, me temperaturën që shënon -21 gradë celsius, fituesi i tre medaljeve të arta botërore vrapon i veshur vetëm me tuta sportive dhe pa bluzë.

Trajneri i tij, Olav Alnes, e ndjek nga afër me kronometër, i veshur siç duhet për t'u përballur klimën e ashpër.