Butrinti në “Native Planet”: Njihuni me qytetin antik magjepsës, vendosur në jug të Shqipërisë
Nga OraNews Përditësimi i fundit 31 Dhjetor 2023, 17:31
"Native Planet", seriali dokumentar televiziv që ju tregon shikuesve destinacione të veçanta turistike anembanë botës, komunitete dhe kultura nga më të ndryshmet ka përzgjedhur Butrintin, për të përmbyllur sugjerimit e vitit 2023.
Në artikullin e botuar prej tyre, Butrinti cilësohet si një qytet antik magjepsës, vendosur në jug të Shqipërisë.
Ky vend i Trashëgimisë Botërore të UNESCO-s ofron një vështrim unik në të kaluarën, me rrënojat e tij të ruajtura mirë dhe monumentet historike që datojnë 2500 vjet më parë shkruhet në publikimin e Native Planet.
“Për adhuruesit e udhëtimeve që kërkojnë të zbulojnë thesaret e epokave të shkuara, Butrinti ofron një mundësi të pashembullt për të përjetuar të fshehtat e historisë të rrënjosura brenda kufijve të tij”.
Artikulli vlerëson se çdo cep i Butrintit tregon një histori që për adhuruesit e historisë dhe turistët e rastësishëm duken magjepsëse.
Amfiteatri antik i qytetit , Porta ikonë e Luanit, Rrënojat e tempullit, me kolona korintike nuk mund të mbeteshin jashtë vëmendjes.
Artikulli thekson gjithashtu vendodhjen strategjike, dhe mjedisin piktoresk përkundër gjithë historisë së Butrintit.
Ndërsa largoheni nga qyteti antik, kujtimet e Butrintit do të mbeten, duke ju ftuar të ktheheni në përqafimin e tij mistik, herë pas here, përfundon sugjerimi.
