Gjendet i djegur një 55 vjeçar brenda veturës në Prizren, dyshohet për vetvrasje
Nga OraNews Përditësimi i fundit 25 Dhjetor 2023, 14:39
Një rast tragjik ka ndodhur të dielën pas mesnate në Prizren, pasi një person dyshohet se është vetëvrarë në Prizren.
Policia e Kosovës njofton se fillimisht kanë marrë raportimin se në rrugën “Kastriotët”, në afërsi të rrugës “Transiti i ri “, është duke u djegur një veturë.
Patrullat policore kanë shkuar në vendngjarje dhe nga informatat e para nga aty kanë kuptuar se një person gjendej në veturë, e cila ishte e djegur plotësisht bashkë me viktimën.
“Vetura e djegur është një golf 2, ndërsa viktima dyshohet të jetë Sh. K., i lindur në vitin 1968 nga fshati Jeshkovë, Prizren. Në vendngjarje kanë dalë të gjitha njësit përgjegjëse për rastin si dhe prokurori kujdestar”, thuhet në njoftim.
Nga hetimet e para, Policia njofton se dyshohet se viktima ka bërë vetëvrasje.
Me urdhër të prokurorit rasti është cilësuar si “Vdekje e dyshimtë “ dhe mbetjet nga trupi i pajetë janë dërguar në Institutin e Mjekësisë Ligjore në Prishtinë për ekzaminim.
