Zjarr në një fabrikë e përpunimit të nikelit në Indonezi, 13 të vdekur dhe 38 të plagosur
Nga OraNews Përditësimi i fundit 24 Dhjetor 2023, 13:31
Të paktën 13 persona kanë humbur jetën dhe 38 të tjerë janë plagosur pasi një fabrikë e përpunimit të nikelit në Indonezi u përfshi nga flakët.
Ngjarja ka ndodhur në orët e para të mëngjesit të kësaj të diele në ishullin Sulavesi teksa hetimet paraprake vlerësojnë se ka ardhur si pasojë e punës së riparimit në një furre me lëng të djegshëm, dhe më pas ka shkaktuar shpërthimin e boteve të oksigjenit aty pranë.
Sipas deklaratës së autoriteteve, viktimat janë tetë indonezianë dhe 5 punonjës kinezë, por identifikimi I tyre për t’u nisur trupat e pajetë familjarëve është thuaje i pamundur për shkak të djegieve.
Ndërsa 17 prej të plagosurve janë në gjendje të rëndë, kanë shtuar ata.
Ishulli Sulavesi është një qendër për prodhimin e nikelit në vendin e pasur me minerale dhe investimi në rritje i Pekinit ka shkaktuar trazira mbi kushtet e punës në objektet e tij.
Zjarret vdekjeprurëse nuk janë të rralla në Indonezi, një vend i përhapur me më shumë se 250 milionë banorë, ku rregulloret e sigurisë shpesh shpërfillen.
Në janar, dy punëtorë, u vranë në një fabrikë shkrirjeje të nikelit në të njëjtin park industrial, gjatë trazirave dhe protestave për kushtet e sigurisë dhe pagesën.
Në qershor, një tjetër zjarr në të njëjtën fabrikë la një të vdekur dhe gjashtë të tjerë të plagosur.
