Protesta e opozitës para Kuvendit, në terren 800 efektivë policie. ''Blindohet'' parlamenti
Nga OraNews Përditësimi i fundit 21 Dhjetor 2023, 08:25
Teksa sot pritet të mbahet protesta e opozitës, rreth 800 efektivë nga Policia e Tiranës dhe Forcat e Sigurisë Kombëtare (FNSH) janë angazhuar për mbarëvajtjen e rendit dhe sigurisë.
Masat janë marrë nga Drejtoria e Përgjithshme e Policisë së Shtetit në koordinim me DVP Tiranë.
Në perimetrin e Parlamentit janë instaluar kamera me rezolucion të lartë për të identifikuar çdo lëvizje të protestuesve që policia të ketë të gjitha provat e mundshme nëse do të ketë incidente.
Ndërkohë RENEA është në gatishmëri në rast se do të ketë incidente.
Po ashtu edhe autobotë me ujë ndodhen në pjesën e pasme të parlamentit nëse do të jetë e nevojshme për të ndërhyrë.
