VIDEO/ Nasa publikon për herë të parë një video të një maceje në hapësirë
Nga OraNews Përditësimi i fundit 20 Dhjetor 2023, 08:13
Ajo mund të mos jetë macja e parë në hapësirë, pasi ky nder i shkon një maceje franceze të quajtur Félicette, në vitin 1963, por të hënën “Taters” mori një çmim ndoshta më të madh, atë të videos së parë të një maceje në hapësirë.
Nasa ka transmetuar një video me definicion të lartë të Taters që kthehet në Tokë nga thellësia e hapësirës.
15 sekondat e famës së Tater ishin në fakt një eksperiment i NASA-s, i krijuar për të ndihmuar në testimin e mundësisë së dërgimit të videove në hapësirë të thellë, për kohën kur njerëzit do të udhëtojnë përfundimisht jashtë orbitës së Tokës.
Testi i NASA-s ishte pjesë e misionit "Deep Space Optical Communications"(DSOC), dhe e para që shikon komunikimet që arrijnë më tej se midis Tokës dhe Hënës. Nasa e quajti këtë si “një moment historik”.
