Dy të vdekur dhe dhjetë të plagosur nga granatimet ruse në Donetsk
Nga OraNews Përditësimi i fundit 30 Nëntor 2023, 23:14
Dy persona janë vrarë, 10 janë plagosur dhe një familje prej tre anëtarësh besohet të jetë bllokuar nën rrënoja pas sulmeve raketore ruse gjatë natës në rajonin Donetsk të Ukrainës lindore , thanë sot zyrtarët ukrainas.
Zyrtarët e mëhershëm thanë se një person u vra pasi gjashtë raketa goditën tre vendbanimet Pakrovsk, Novorodivka dhe Mirnokhrad . Pasdite, ekipet e shpëtimit gjetën një trup të dytë nga rrënojat, sipas policisë ukrainase.
Policia tha në aplikacionin Telegram se një grua 33-vjeçare, një burrë 38-vjeçar dhe një vajzë tetë-vjeçare mund të jenë mes rrënojave të një ndërtese apartamentesh në Novorodivka.
Ministri i Brendshëm Ihor Klimenko tha më herët se 10 persona, përfshirë katër fëmijë u plagosën dhe shtoi se nëntë shtëpi private, një stacion policie, makina dhe garazhe u dëmtuan.
Reuters nuk mund të verifikojë në mënyrë të pavarur detajet.
Më herët ushtria ukrainase tha se forcat e saj të mbrojtjes ajrore rrëzuan 14 nga 20 dronët e lëshuar gjatë një sulmi rus gjatë natës.
