“Vrava me duart e mia 10 hebrenj”/ Publikohet audio shokuese, terroristi i Hamasit telefonon të atin: Të kam dërguar edhe foto
Nga OraNews Përditësimi i fundit 24 Tetor 2023, 22:25
Forcat e Armatosura izraelite kanë publikuar një dokument audio shokues, që besohet të jetë një bisedë mes një luftëtari të Hamasit me babanë e tij.
I riu mburret se ka vrarë me duart e tij dhjetëra njerëz, duke bërë që babai i tij të hapë aplikacionin WhatsApp për të parë fotot që i dërgoi nga ekzekutimet.
Në video, autenticiteti i së cilës nuk është verifikuar, dyshohet se dëgjohet një luftëtar i Hamasit duke telefonuar babanë e tij nga celulari i një gruaje që ai vrau, si dhe bashkëshortin e saj, për ta informuar atë për “veprën” që bëri.
Fragmenti audio u vendos edhe në sonte në Këshillin e Sigurimit të Kombeve të Bashkuara, nga ministri i Jashtëm i Izraelit, i cili më herët kërkoi dorëheqjen e Antonio Guterres, duke e pyetur të inatosur: Në çfarë bote jetoni?
“Hamasi duhet të zhduket nga faqja e dheut”, u shpreh ai ndër të tjera.
“Look how many I killed with my own hands! Your son killed Jews!”
— Israel Defense Forces (@IDF) October 24, 2023
Listen to a phone call of a Hamas terrorist calling home, bragging about how many people he massacred.
The whole world needs to hear this. pic.twitter.com/Xv0ykyxvrF
