PAMJET/ Rrjedhje gazi në një karburant, evakuohen banorët pranë rrethrrotullimit të Shkozës
Nga OraNews Përditësimi i fundit 30 Shtator 2023, 12:22
Rrjedhje gazi në një karburant pranë rrethrrotullimit të Shkozës. Ngjarja ndodhi rreth orës 11:35, në rrugën “Sadik Petrela”.
Shërbimet e Policisë kanë evakuuar banorët dhe për çështje sigurie është bllokuar përkohësisht rruga e urës së Shkozës dhe perimetri që ka rrezikshmëri.
NJOFTIMI I POLICISE
Më datë 30.09.2023, rreth orës 11:35, në rrugën “Sadik Petrela”, në një karburant, është çarë një tub gazi i karburantit.
Në vendngjarje ndodhen shërbimet e Policisë, të ambulancës dhe të zjarrfikëses, dhe teknikët të cilët po punojnë për rregullimin e defektit.
Shërbimet e Policisë kanë evakuuar banorët dhe për çështje sigurie është bllokuar përkohësisht rruga e urës së Shkozës dhe perimetri që ka rrezikshmëri.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
