Nagelsmann trajneri i ri i kombëtares gjermane
Nga OraNews Përditësimi i fundit 22 Shtator 2023, 15:49
Julian Nagelsmann është trajneri i ri i kombëtares gjermane, njoftoi Federata Gjermane e Futbollit (DFB).
Ish-trajneri i RB Leipzig dhe Bayern Munich do të zëvendësojë Hansi Flick dhe fillimisht do të qëndrojë në krye deri në Euro 2024 në Gjermani.
Nagelsmann do të ketë si ndihmës trajner ish-sulmuesin e Bayernit, Sandro Wagner.
“Ne kemi Euro 2024 në vendin tonë. Është diçka e veçantë. Unë kam një dëshirë të madhe për të marrë përsipër këtë sfidë”, theksoi Nagelsmann.
Flick u shkarkua më 10 shtator pas vetëm katër fitoreve në 17 ndeshjet e tij të fundit, duke përfshirë një dalje të dytë radhazi në fazën grupore të Kupës së Botës dhe katër humbje në pesë ndeshjet e tij të fundit pa fitore.
