SHBA sanksionon 150 mbështetës të tjerë të Putinit
Nga OraNews Përditësimi i fundit 15 Shtator 2023, 12:43
SHBA-ja ka shtuar 150 individë dhe kompani të tjera që mbështesin presidentin rus Vladimir Putin në listën e sanksioneve, njoftoi dje Departamenti amerikan i Shtetit dhe i Thesarit.
”Qëllimi është të synojmë zinxhirët e furnizimit ushtarak të Rusisë dhe të privojmë Putinin nga pajisjet, teknologjia dhe shërbimet që i nevojiten për të zhvilluar luftën e tij barbare kundër Ukrainës”, tha sekretarja e Departamentit të Thesarit të SHBA-së, Janet Yellen.
Ata që përfituan nga pushtimi rus i Ukrainës fqinje dhe afërsia e tyre me Kremlinin do të mbajnë përgjegjësi.
Shumë nga sanksionet shënjestrojnë drejtpërdrejt industrinë ruse.
Lista e sanksioneve përfshin prodhuesin e vagonëve “Transmash”, prodhuesit e makinave “Avtovaz” dhe “Moskvich” dhe prodhuesin e motorëve të avionëve “Soyuz”, në Moskë.
Kompanitë e mëdha inxhinierike ruse, grupet e metalurgjisë dhe minierave u sanksionuan. “Gazpromstroy”, grupi i ndërtimit të gjigantit të gazit “Gazprom”, është gjithashtu në listë, si dhe kompania e dytë më e madhe ruse e diamantit “AGD Diamonds”.
Sanksione u vendosën edhe ndaj kompanive në vende të treta, si ndaj dy kompanive turke që shihen si furnizues të pjesëve për ndërtimin e dronëve në Rusi.
Kreu i zyrës presidenciale të Ukrainës, Andrii Yermak, falënderoi qeverinë amerikane për këtë “hap vendimtar”.
