Vrau babanë me eksploziv, 23-vjeçari nga Selenica nuk shfaq pendesë në gjykatë
Nga OraNews Përditësimi i fundit 4 Shtator 2023, 11:16
23-vjecari që vrau me eksploziv babanë në Selenicë heshti dhe nuk shfaqi pendesë në Gjykatën e Vlorën që e la në burg pa afat. Pas arrestimit Mato Gllucaj deklaroi në Polici se i ati e dhunonte!
Mato Gllucaj, i riu vrau të atin me eksploziv në fshatin Gjorm të Selenicës mbeti në qeli.
Gjykata e Vlorës vendosi ndaj 23-vjeçarit masën e sigurisë masën arrest me burg deri në përfundim të hetimit.
Në seancën me dyer të mbyllura, i riu mësohet se nuk ka shfaqur asnjë shenje pendese, ndërsa kur u vu në pranga deklaroi se të atin i Dymish Gllucaj e vrau pasi ai e dhunonte prej vitesh
Në gjykatë 23-vjeçari mësohet se heshti edhe për me arsenalin e armëve dhe municioneve që iu gjet në banesë.
Krimi brenda familjes ndodhi të premten e 1 shtatorit.
23-vjeçari Mato Gllucaj, sipas dosjes hetimore kishte vendosur brenda një sobe të vogël me gaz lëndë plasëse të cilën e shpërtheu teksa i ati po kalonte në oborr.
56-vjeçari ndërroi jetë për shkak të plagëve rrugës për në spitalin e Vlorës.
Fillimisht ngjarja u raportua aksidentale, por hetimet zbuluan se ishte një krim i organizuar në familje.
Në banesën e familjes u gjetën një arsenal armësh e municionesh të cilat i përkisnin 23-vjeçarit.
