S*ksi, ja gjykimi i gabuar që bëjnë shumica e burrave, studimi: Mungesa e guximit ju distancon nga partnerja
Nga OraNews Përditësimi i fundit 26 Gusht 2023, 22:09
Pavendosmëria, mungesa e guximit dhe frika nga refuzimi shpesh i shtyn meshkujt të gjykojnë gabimisht dëshirën seksuale të partneres së tyre. Burrat dhe gratë shpesh bien pre e besimeve dhe stereotipeve të mbajtura thellë që udhëheqin jetën e tyre, madje edhe jetën e tyre seksuale.
Një prej tyre është se meshkujt shpesh nënvlerësojnë epshin e partneres së tyre .
Studiuesit kanadezë nga Universiteti i Torontos Perëndimore argumentojnë se dëshira seksuale e grave është shumë më e zakonshme sesa besojnë partnerët e tyre, të cilët shpesh nuk e kuptojnë atë. Sigurisht, siç duket nënvlerësimi i dëshirës seksuale të partnerit nuk është vetëm faji i tyre, pasi femrat mund të kenë dëshirë seksuale, por rrallëherë marrin iniciativën e marrëdhënieve seksuale.
E lanë burrin të hidhte hapin e parë pa i dhënë shumë mesazhe inkurajuese. Burrat nga ana tjetër, shpesh nuk e bëjnë lëvizjen e parë nga frika e refuzimit dhe zhgënjimit të mëvonshëm. Dhe diku aty, pritshmëritë e mëdha bëhen zhgënjime të mëdha për të dy. Mungesa e guximit të burrit nga njëra anë dhe mungesa e iniciativës së gruas nga ana tjetër tregojnë për një mundësi të humbur për marrëdhënie seksuale .
Studiuesit arritën në përfundimet e mësipërme duke studiuar më shumë se dyqind çifte të moshës 18-68 vjeç me një kohëzgjatje mesatare martese ose lidhjeje prej gjashtë vjetësh.
